Foundation 粉底

(1) (2) (3)

(4) (5)

由我唔識化妝, 到你學完化妝之後, 你會花更多時間才能出到門口。點解...... 在你唔識化妝時, 只搽d面霜及防晒就可以出門口, 當你學識化妝之後....... 你開頭會覺得麻煩而唔化妝就出門, 但你又會對自己講, 學完唔練習, 好快唔記得, 咪等於無學過咁。就係呢句說話, 你會開始化妝先至出門口, 日子一久, 你就無法唔繼續買粉底, 眼影, 胭脂.....等用品, 就連化妝掃都有幾 set。

以上產品都係我現時用緊的, 你哋見到我一種 product 都有咁多, 一定話我大花筒,  其實每位女士們, 只得一種product 係唔夠用, 最少都要2種, 係for 夏天及冬天用。 我已經少買了, 現在的我會清晒貨先再買。

(1) 左邊個瓶 ~ cream 狀, 有60% 水份, SPF 18。

用後:  唔乾, 好貼, 無咁易溶妝, 遮暇度高ok

      右邊個瓶 ~ liquid 狀, 有60% 水份, SPF 15。 用後: 好薄, 好貼, 無咁易溶妝, 遮暇度一般

(2) cream 狀, 有60% 水份, SPF 8, oil free。 用後:  唔乾, 好貼, 好貴, 無咁易溶妝, 遮暇度ok

(3) liquid 狀, 有保濕成份 。 用後: 遮暇度OK, 好易溶妝

(4) Mousse 狀 。 用後: 比較控油, 用完面好滑, 可唔駛搽碎粉, 遮暇度一般 (乾性皮膚/冬天勿用, 會出乾紋)

(5) liquid 狀, 有保濕成份, SPF 15, 獨立包裝。 用後: 遮暇度OK, 妝會有少許溶, 衛生, 方便

係上面咁多隻, 我現時比較鍾意 (1) , 其實 (2) 都好鍾意, 不過就貴了點, 至於 (5) 呢, 就真係好方便及衛生, 一次一包, 不過就唔係好多地方買到。