今日終於整咗喇! 其實真係好容易整的, 但可能要我攞部機出嚟, 我無咁嘅動力去攞, 所以拖到而家至整囉! 由於我屋企無可可粉, 所以只用了馬利餅碎就算, 我發覺食落似雪糕多d囉, 不過都好好味。
[4人份量]
材料: 淡忌廉 (400ml) + 煉奶 (4湯匙) + 嘉頓馬利餅 (一條)
做法:
1) 首先馬利餅用木棍壓碎或用機磨碎備用
2) 將淡忌廉打至少許企身,再加入煉奶打至企身
3) 先將餅碎灑一層在杯底,加一層淡忌廉,再加一層可可粉餅碎,如是者遂層加入至滿,到表面層要洒上餅碎
4) 放入雪櫃雪三小時或可放入冰箱雪至硬身
我同事都整過比我食,食落真似雪糕多d,不過真你好好味
回覆刪除[版主回覆05/17/2008 20:40:00]真係幾好味的, 不過真係唔好食多, 好滯下!
我細妹都叫我整呀, 我衰在懶未動手, 借你二杯你用住先啦.
回覆刪除wa~~好正咁,,,,睇黎我要買個打蛋器返黎~試上整~
回覆刪除[版主回覆05/18/2008 22:34:00]你想整呢個嚟食, 就真係要買部打蛋糕器了!
yes,呢個甜品好好味,,,,
回覆刪除I like it
[版主回覆05/18/2008 22:34:00]好味就好味了, 不過唔好食太多喎! 好滯下!
似雪糕又好似唔錯喎,我未食過架!!
回覆刪除[版主回覆05/19/2008 20:09:00]咁就要試下喇!
有部機幫你打,快靚正,......攞部機有幾難呀
回覆刪除[版主回覆05/19/2008 20:12:00]我部機放係櫃最高處, 每次攞都要攞張櫈上去攞, 好唔方便, 所以對我嚟講, 唔方便攞的嘢, 我係唔多願意攞的(我懶囉)
我以前都整過,真係好鬼易架~
回覆刪除[版主回覆05/19/2008 20:12:00]咁你而家有無再整呀!
我都好想整呀...但係我呢邊搵唔到馬利餅呀~
回覆刪除[版主回覆05/20/2008 21:33:00]你住邊呀! 馬利餅唔算好難搵架!
好似幾易整咁喎!!
回覆刪除[版主回覆05/20/2008 21:33:00]都幾易整架, 最緊要有部電動打蛋器囉!
冇喇~懶得整
回覆刪除[版主回覆05/20/2008 21:34:00]我有時都好懶, 所以拖到而家至整囉!
好好吃噢~
回覆刪除[版主回覆05/20/2008 21:35:00]如果你鍾意食雪糕的話, 咁一定啱你了。
會唔會好肥
回覆刪除[版主回覆05/22/2008 18:51:00]食得多, 我覺得都會肥的!
我住係美國D山卡啦地方乜鬼野都冇架~
回覆刪除[版主回覆05/22/2008 18:56:00]咁你試下改用oreo 餅(唔知有無串錯) 唔要中間白色d cream 整碎佢, 用嚟代替 馬利餅, 味道都應該唔錯的, 而且又變成一個新產品喇!
用Oreo餅都得? 會唔會冇甘好味呢? 如果得我真係好想試下呀~
回覆刪除[版主回覆05/23/2008 23:12:00]雖然我未試過用oreo 嚟整, 但oreo 本身係可以浸入牛奶一起食的, 將它加入cream 中一起, 食落感覺會似食朱古力咁, 但又比用朱古力粉有口感d囉!味道應該會唔錯的!
我估我個女一定會好鐘意食的,得閒去買部打旦機番來玩下先~
回覆刪除多謝您的分享~
[版主回覆05/23/2008 23:08:00]唔使客氣, 整好咗記得叫我去食喎!
借了你的食譜, 我的家人很喜歡...^^
回覆刪除[版主回覆03/29/2009 13:23:00]你借咗我食譜要請我食番杯喎!
講少咋, 得閒多d入嚟坐坐啦!