Day 1 台北之旅 ♡Part 1♡

首先我要多謝芊芊媽媽解答&提供一些旅遊資料比我, 不過我就無佢plan 行程咁在行, 所以我最後都係飛機上才決定首日的行程路線。
* * * * * * * * * * * * * * * * * * * * * * * * * * * * * * * *  * * * * * * * *
26/4 - Day 1 (sat)
由於港龍機每日只得4班機去台灣, 但我哋唔想咁半夜三更起身出發, 所以選咗搭KA480 (12:05) 呢班機, 
 

去到台灣機場已經是13:45, 本來唸住, 15:00 到應該可以返到酒店check in 啦, 點知攞行李都等咗30分鐘先攞到, 拿拿淋去找巴士啦, 本來想搭國光巴士再轉捷運, 但見到飛狗有一個牌可以去到我住間酒店門口, 加上買package 時送咗2張飛狗巴士票, 咁咪搭去囉,
去到巴士站, 等咗10分鐘到巴士嚟喇, 一上車就問我哋住邊, 他就mark 落紙度, 開頭我仲以為架車車到我哋住間酒店門口, 原來.......唔係的,

 (街外幾好天) 開車後不久, 司機話住東龍, 四季, 萬事達, 富園飯店的叫我哋係呢度轉車, 咁我哋一群人咪係度等啦
(我哋就係企咗係呢條街, 呢個巴士站度等喇)
   

等咗10多分鐘都無車嚟, 司機又無講, 我哋又知係點喎, 我哋見d司機叫我哋落車後會行入一間好似站頭的店內簽名後上車, 咁有2個人走入去問啦, 佢哋話無人, 咁其它落車的旅客都走入去, 最攪笑係裡面個職員, '呢賣'咗, 後來才行出嚟話車就嚟, 講完之後一架"公車" 就嚟到叫我哋上車, 咩係"公車" 即係我哋叫的巴士, 但無香港d咁靚啦, 同返大陸坐個d bus 咁款囉。

 (就係搭呢架mini bus 喇) 返到飯店都已經16:00 多了, 間飯店好細更呀, 可能我住個d酒店間房無咁細啩! 唯一係個厠所, 個厠塔係用電子個種的, 可能呢間多日本人住啩, 連個塔都迎合佢哋,
(參觀下個room 你就知間房有多大了, 不過間房有得上網的)

整裡好行李後, 看錶....嘩! 17:00 喇! 又少咗行街街時間喇, 拿拿淋離開飯店。



......... 待續!