澳門遊記~ Day 2 (二)

行完 "漁人碼頭" 後, 我哋去咗 "八佰伴" , 一去到就直上 2/F, 找一間出名食 cheese cake 的店舖, 順便

涼陣冷氣, 開頭行了一個圈都未見到, 正想走之際, 就見到係電梯口附近, 間舖叫

"老彿爺" , 一入去買咗2件Cake 食, 一件係芝士cake 及椰汁紅豆 cake (掛住食唔記得影, 但有攞佢張卡片)

,  件芝士cake 真係好好味 , 食落唔會太滯。

行出 "八佰伴"  門口我哋坐的士返去議事亭個邊再食過 , 我哋去咗

"黃枝記" 食麵(好多人排隊, 就算有位都要答枱)

                           

雲吞麵

                           

水餃雲吞撈麵

                             

佢哋有個招牌雲吞蝦子撈麵好出名,因我唔想食蝦子, 所以無叫到, 佢d雲吞好好味, 不過我家大少話上環有間仲好味, 所以你哋去試下再決定好唔好食啦!

食完 Lunch 之後我再去

"九記冰室" 食雪糕, 其實"九記冰室"同"禮記冰室" 都係自家制雪糕的, "禮記" 我就去得多, 我又未去過"九記" , 加上係議事亭附近咪去試下攞, 去到門口見到貼了報紙, 原來周汶錡都有嚟過這間店食嘢, 入到去覺得環境好六,七十年代咁, 好舊, 我哋叫了一杯雪糕($12)及一個雪糕紅豆涼粉($15),

 , 不過最好味的係菠蘿雪糕, 芋頭都ok, 但千祈唔好食芝麻呀! , 其實我仲想去

"甜杏園麥師傅" 食糖水,食完之後已經飽到上心口, 所以我哋決定行去 "新葡京" 見識下, 順便睇下運氣,

  

         

入到佢個個都 煙不離手, 我哋玩了一陣(比佢吸晒d財 )之後, 再參觀一下周圍 (內裡部份地方還在裝修), 發現上層中央有隻大蛋 (風水擺設), 最後參觀完個厠所就坐巴士返酒店取行理。

估唔到返酒店取完行理, 見仲有小小時間, 見到斜對面有間

"鼎泰豐" 台灣美食,   嘩! 係台灣要排長龍先有得食, 係澳間竟然有, 食唔落都要入去叫個小龍包食下啦! 食完覺得間舖唔知係咪攞台灣個名啫, 都唔係咁好食。

最後我哋要坐船返香港了, 2天的行程話咁快就完結, 要番香港真係唔捨得澳門的美食, 不過澳門變咗好多, 地方細咗(因多了好多好大間賭場), 人多咗(大陸團), 空氣差咗, 食開的美食地方搬咗, 不過澳門都係一個美食天堂嚟的。

..............END