澳門遊記~ Day 2 (一)

日期: 27 Mar 2007

如果唔係set 咗morning call 我一定唔知醒, 因實在太疲累了, 你哋可能問, 你又唔係跟團, 使唔使咁早起身呀! 其一係酒店早餐由7-10am 過咗就無得食, 我更係唔係為咗食早餐而咁早起身啦!

  (我緊係要見識下佢個環境同食物啦) 其二係我哋唔早d起身, 又點樣可以去其他地方食嘢同參觀呢? 我梳洗 完之後都差唔多9點, 就嗱嗱臨落去食早餐了, 地方唔算好大, 加上無帶相機落去, 就比住張Rio hotel 網站所提供的

"利澳美食坊"的相片你睇啦!

, 至於食物方面....最好大家無咩要求, 話就話係自助早餐啫, 但無咩嘢食, 行2圈已經無選擇, 就算好好食, 個賣相都唔係咁吸引, 食完之後就去參觀個泳池喇! 個泳池雖然細, 但個景就好正, 好開揚, 隔離仲有得踏單車添! 回到房間整理好行裝之餘再看看星期二個股市升定跌, 就落去check-out........嘩! 要排隊, 仲要好長添, 不過都好快攪掂check_out及寄存個人行理,我哋打算去

"漁人碼頭" 由於酒店距離目的地唔係好遠, 所以我哋步行去, 一路行會見到"澳門理工", 行前小小就會見到"旅遊活動中心" 裡面有{大賽車博物館} 及 {葡萄酒博物館},不過佢逄星期二休息, 你哋如果想參觀, 記得唔好星期二去呀!, 去到"漁人碼頭" 個景唔錯,裡面大都是商舖及食店,我影咗部份相, 比大家睇下。

                

                

                

                

                    

                   

                  

                  

                   

 

...............待續