另一護唇新產品

唇部保養其實跟臉部保養一樣重要的, 而且仲要有恆心, 只保養個樣, 而忽略個咀仔, 係咪覺得無咁完美呢? 有心保養就要持之以恆喇! 但有好嘢我一定同大家分享。  早前行街見到這支唇部產品 (同我之前介紹過的潤唇霜係同一系列的)

 (成分: 有機芝麻精油, 薰衣草萃取液, 甘草甜素)

這款產品無香料的, 有顆粒, 在按摩過程中將芝麻精油成分滲透入咀唇內, 更可去除死皮,

按摩顆粒不算太刺激咀唇, 而是包著甘草甜素的顆粒, 隨著按摩顆粒會不見的。

這款按摩精華在妝前使用, 可以使唇部光滑及搽脣膏更順滑。 在晚上先塗這支按摩精油

後, 再擦上同系列的潤唇霜才睡覺, 這樣的修護效果會更好！

 

p.s. 提提各位靚女, 記得個咀仔都要卸妝呀! 因有色彩的化妝品都會殘留在皮膚上, 尤其是我們嬌嫩的唇部, 如果你天生有漂亮的唇型,不要虐待它呀！