蠔油洋蔥豬扒

 

今日整的是洋蔥豬扒, 但你哋會唔會話有以下問題, 就係點解煮嚟食的時候會咁'鞋'/好難咬,

我教大家一個方法, 我用呢個方法整豬扒未試過'鞋' / 咬唔開, 就係要前1天醃定, 放雪櫃,

等d豬肉吸夠水份, 咁煮嚟食的時候就唔會咁'鞋', d肉質仲好淋添。

 

材料: 洋蔥 (半個) + 豬扒 (6片) + 蠔油 (約2湯匙)

醃料: 豉油(2湯匙) + 糖(1荼匙) + 油(1湯匙) + 老抽(1茶匙)  + 胡椒粉(少許) + 麻油(少許) + 豆粉(1茶匙)

做法:

1) 先將洋蔥去衣及切絲, 備用

2) 用刀背/鎚, 將豬扒2面都 'dup' 下佢之後, 才將醃料撈勻豬扒 (雪一晚)

3) 加少許油落鑊, 用中火先煎香豬扒2面, 見到微金黃, 拿起備用

4) 加少許油落鑊, 放下洋蔥, 炒到聞到香味, 加入少許沙糖再炒至啡黃色,

5) 再次倒入豬扒一同炒, 再注入少許水及蠔油, 再煮多一會,

6) 見汁再次滾起及開始杰身, 即可關火及上碟。

 

小心得:

除醃豬扒可以前一晚醃定外, 想滑d的話, 在醃時可加多一隻蛋白, 但就唔落豆粉住, 要煮個日先落豆粉將肉汁鎖上, 咁就會又滑又軟的。不過這個工序比較多, 所以我通常都只在前一晚醃定就算。

除蠔油外, 你仲可以改用茄汁, 咁就變為茄汁豬扒喇!