生菜卷

 

昨天買咗d長生菜, 唸住煮生菜吃的, 洗洗下菜, 突然想起, 不如留番幾片生菜,

等第二天整生菜卷都好喎, 就係咁, 就變成我今日的餸菜 ....

"生菜卷"

喇!!!

 

材料: 長生菜 8 片(選大塊d) + 豬肉碎 (約$8) + 馬蹄切碎 (約5粒)

豬肉醃料: 豉油 (2湯匙) + 糖 (1茶匙) + 生粉 (3茶匙) + 麻油 (少許)+ 胡椒粉 (少許) + 油 (1湯匙)  + 水(3湯匙)

 

做法:

1) 先將生菜用滾水燙一燙, 放在碟上待涼, 備用

2) 將醃料, 馬蹄碎加入豬肉碎中攪勻 (約醃半小時)

3) 將生菜慢慢打開, 放入豬肉碎, 然後接起放碟上

4) 水滾後, 放入煲/鑊蒸15-20分鐘, 關花

5) 將碟內的汁, 倒入鑊中煮滾, 加入開好的生粉水, 杰身後關火, 將汁淋在生菜卷上, 即可。

 

 

小心得:

今次我就係肉碎中加入馬蹄, 但其實可 按個人喜好而調配, 而加其它材料落豬肉碎度, 例如: 冬菇, 粟米, 菜圃等, 可令口感/味道不同。