單看呢杯嘢係咪好似紅酒, 利賓立, 提子汁, 紫貝天癸, 紅莓汁呢........... 通通都唔係,
開估喇! 佢就係用洛神花整出嚟的洛神花茶喇! 恭喜晒14樓陳小姐
你估仲咗喇, 不過如果你知杯下面d一粒粒的係咩, 幅相都話咗答案比你知, 佢個樣貌就係下面幅圖喇!
佢飲落酸酸咪咪的, 放咗冰糖及雪凍嚟飲幾妤飲架, 台灣人好鍾意夏天整嚟飲, 可以清熱, 消暑(不過大肚婆唔好飲, 好涼架), 而 洛神花功效仲有好多架, 我唔打喇, 你哋自己按入去睇啦!
材料: 乾洛神花 (10朵) + 冰糖 (按個人口味而落多少) + 水 (1000ml)
做法:
1) 先將乾洛神花沖洗2-3次, (唔係浸喎, 係沖洗喎, 其間會見到d水係紅紅哋, 不用理會)
2) 將水煲滾後, 才放入洛神花煲約3-5分鐘即可關火, 放下冰糖, 等煲內熱力令到d糖溶,
3) 待涼後, 可放入雪櫃雪凍飲用。
我未飲過呢種花茶, 但睇妳形容D味.....我覺得有D似紫貝天葵囉 !
回覆刪除[版主回覆07/22/2008 22:52:00]真係幾似架, 不過大家嘅功效就唔同lu !
靚靚, 我都係第一次聽咋"洛神花"好特別既名呀.
回覆刪除[版主回覆07/23/2008 20:26:00]咁你而家咪可以買嚟試下囉!
好野 我個名係你個blog 有得出 我又無咁細心睇到你個圖有提示Wo,我個包洛神花真係台灣買返嚟既
回覆刪除[版主回覆07/23/2008 20:29:00]咁都比你估到, 真係醒!
我都係係台灣買架!
哇~ 真係好難估呀
回覆刪除[版主回覆07/23/2008 20:31:00]單睇杯嘢飲,又真係難估d呢!
有機會不防買嚟試下呀!唔錯架!