相信用合掌瓜煲湯就用得多, 咁試過用嚟炒又試過未呢,
未試過就要試下lu, 原來炒合掌瓜係好爽甜的, 真係同煲
湯盛出來吃的質感完全唔同, 我覺得炒好味好多, 而且
有咬口。大家不防試下呀!
材料: 合掌瓜 (1個) + 雪耳 (半個) + 瘦肉 (適量) + 蒜頭 (1-2粒) + 蠔油 (約1湯匙) + 水 (少許)
醃料: 雞粉 + 水 + 油 + 豆粉 (各少許)
做法:
1) 用醃料將瘦肉醃約半小時, 備用
2) 將合掌瓜刨去外皮, 中間切開去核後切片,
3) 切好的合掌瓜片用清水沖洗, 去除瓜表面的滑do do 的物質, 瀝乾備用
4) 將雪耳浸軟後, 分成小件, 瀝乾備用
5) 將蒜頭去衣, 備用
6) 用少許油先將瘦肉略炒至8成熟, 盛起
7) 再加少許油再爆香蒜頭, 放入合掌瓜略炒後, 加入雪耳炒一會, 加入蠔油及少許水, 再將瘦肉回鑊再炒至全部熟晒, 即可上碟。
p.s. 合掌瓜就算轉咗色都最好住多一會, 淋身少少會入味好多, 但仍會爽口。
合掌瓜我只會煲湯, 從未試過要黎炒呀!
回覆刪除[版主回覆07/13/2008 23:46:00]我以前都以為合掌瓜只可用嚟煲湯, 後來睇電視個營養師用佢嚟整餸我才開始咁做!
我噚日買唔到節瓜, 改買翠肉瓜, 當時個sales都提議我用合掌瓜的.
回覆刪除[版主回覆07/13/2008 23:46:00]咁你有無買到呀! 真係好甜好爽的!
我以前都聽過話炒好食,不過未試過,而家有你保證,一定好食.
回覆刪除[版主回覆07/13/2008 23:48:00]真係要試下, 好好味, 仲會令你改觀tim
合掌瓜我都係用黎煲湯, 從未試過要黎煮
回覆刪除[版主回覆07/13/2008 23:49:00]咁而家咪知可以用嚟炒囉, 好好味, 又爽又甜!
快靚正,太好了
回覆刪除[版主回覆07/13/2008 23:49:00]咁又係呀! 炒呢個好方便, 而且好好味!