2008年8月29日 星期五

正斗粥麵專家@九龍灣

其實呢編網誌應該係數星期前發表的, 但耐何無時間整理d相片,


今日終於有時間整喇, 就已經發覺好多blog 友仔已經發表咗對呢間店的食評,


我記然都影咗相, 無理由唔發表下嘛, 今次我係去九龍灣新開呢間"正斗" 度食,


未睇價錢時, 我本人都覺得食麵, 食粥應該唔會貴得去邊, 加上門口小姐話新開將


有8折, 應該都抵食啩, 見人唔係多就入去一試!



記然係粥麵店, 更係要試下d麵啦, 我先order 咗一碗水餃麵, 牛腩麵及炸兩


我家大少大喜歡炸嘢, 成$30碟炸兩都話要試下, 碗麵一嚟到, 心諗乜細成咁架!


 


都無咩多謂, 好味就得喇! d水餃真係好爽口, 而碗牛腩麵都唔錯, 到碟炸兩嚟到,



 


真的要試真d 點解可以貴成咁, 個皮好薄, 而d油條好脆, 唔錯, 唔怪之得賣咁貴,


食緊碟炸兩時我仲係覺得唔飽, 所以再order 咗碟炸鯪魚球,



我試過用筷子拿起輕力掉回碟上, 粒鯪魚球可以自己彈2-3下才停,


我諗大力d掉, 真係可以彈得更高 ! 食落口真係好彈牙! {呢個係我推介},


食咗4碟嘢及加一, 成為$135, 好彩有8折, 如果唔係可能成兩舊水先落得樓呀!


 



 


總結: 佢d食物真係水準唔錯的, 以粥麵店嚟睇, 食物size , d價錢就唔算太大眾化了!


 


 


 


 


 


 


 


 


8 則留言:

  1. 嘩 ! 八折左都$135......可只唔大眾化, 我覺得直頭貴呀 !
    [版主回覆08/30/2008 16:46:00]我都覺得貴, 不過整體食物質數都唔錯的!

    回覆刪除
  2. 一星期前已停止八折,我前日第二次去,門口 reception 小姐說食物價錢調低咗。我吃了雲吞麵和一碗粥,與首次光顧品質相若,價目調低了大約10%,不知是否生意策略或自覺價高?
    [版主回覆08/30/2008 16:50:00]你咁講即係我有8折時, 佢係調高咗價錢(因佢要加一, 我其實變相得9折), 而加調低價錢10%, 即等同我當時係扮特價, 最討厭呢種做法, 係度'握'人!

    回覆刪除
  3. 如果冇折 都幾貴下啵 仲貴過糖朝呢
    [版主回覆08/30/2008 16:50:00]佢有折都唔抵得去邊!

    回覆刪除
  4. 有時小餐勝過大餐~~ 乜時候過返香港,被個號碼我  Call你帶返我去試試 ~~
    [版主回覆08/30/2008 16:53:00]你係咪發緊夢!

    回覆刪除
  5. 正斗呢期真係好hit,我細妹噚日先約我去食呢
    [版主回覆08/30/2008 16:54:00]我去食都係因為佢個名有d熟! 不過價錢真係貴咗d喇!

    回覆刪除
  6. 德福 D 鋪頭一定唔會平啦, 係九龍灣打滾左咁耐, 點會唔知吖
    [版主回覆08/30/2008 16:54:00]我更係知啦! 不過呢間嘢就算唔係德福, 都一樣咁貴!

    回覆刪除
  7. 咁你覺得德福的"正斗" 好食 or "池記" 好食d?
    [版主回覆08/31/2008 14:55:00]論食物質數, 我覺得正斗好味d!

    回覆刪除
  8. 一餐半餐貴啲唔緊要喇!!
    [版主回覆09/04/2008 17:26:00]我都係用咁個心態去試食囉!

    回覆刪除

關注我的相關連結: