瑞士汁炆牛根

今次用咗亞蘇介紹的瑞士汁嚟整炆牛根, 呢味炆牛根我係第一次整的,
有d咩方法係做錯咗, 大家不防話我知, 等我下次再試下,炆呢個我就唔多點睇火,
因為我用咗真空煲, 番煲咗3次d牛根已經好淋, 味道都唔錯的, 只係我我覺得甜了點,
下次等我試下炆豬腳先, 仲要試下唔使落冰糖, 可能會更好味!

材料: 高級醬油 (半樽) + 花椒 (2-3粒), 八角 (1粒) + 冰糖 (少許 or 可以唔落) + 牛根 (3-4條) + 水 (約1000ml) + 雞味濃湯寶(1盒, 可改用雞湯, 我雞湯用晒所以至用濃湯寶)

做法:
1) 先煲水及放入薑片,蔥及燒酒煲滾,
2) 先將牛根切成粗再放入 (1) 中略為煮一煮, 盛起備用 (水唔要)
3) 將高級醬油, 水, 濃湯寶, 花椒, 八角, 全部放入煲內煮滾後, 放入牛根, 煮約5鐘後放入真空煲內炆3-4小時後, 再拿出再煲滾, 再放回入真空煲內, 炆3-4小時, 即可盛起食用!