今年工展會真係好多人, 早前行時見到其中一間店賣陶瓷刀 (上圖),
唔知係咪電視介紹過話用嚟切蘿蔔唔會有渣, 我都不禁企係度睇下,
陶瓷刀用燈照刀身會好通透的, 而且佢試把刀比我哋睇時真係好鋒利,
佢話唔使磨刀的, 比起傳統菜刀要磨比較唔方便, 加上佢話呢把刀切洋蔥都唔會
流眼淚, 切d淋身生果時咪會切到出汁及切梨, 萍果時會變黑(氧化),
我真係見佢個萍果放係度好耐都無變黃及切蕃茄一d都唔會點出汁,
我心郁郁都買咗把, 因之前去灣仔美食展都有得賣, 不過成$500多, 而今日都係$270
仲有把斬骨刀及剪刀送(下圖), 都好抵下, 所以買咗番屋企!
試用感:
我本身一切洋蔥就會係咁流眼淚, 所以我第一時間就係試用嚟切洋蔥, 真係一d都唔
流眼淚呀! 掂, 加上把刀真係好好切, 只係唔可以用係斬骨用, 其它切咩都可以!
咦咁得意,切洋蔥,都唔流眼淚,晤知係セ原理呢
回覆刪除[版主回覆01/06/2009 22:43:00]呢個我唔係好記得佢點講, 但切咗幾多次都無流過眼淚喎!
係咩牌子? 我知有日本牌子都有出. 真係好勁, 仲永久唔需要打磨. 一田賣 $6百幾, 係日本買就平好多. 有個 fd 用緊. 十幾年前公司抽獎抽到, 無用過, 但唔知放左係邊.
回覆刪除[版主回覆01/06/2009 22:51:00]個盒字住係"天上野"! 我個次去灣仔美食展都有間店賣呢隻刀, 不過唔記得牌子, 但就賣$500多, 當時覺得好貴! 不過呢個都好好用!
講真唔係電視有位廚師講過話用陶瓷刀切蘿蔔唔會有渣, 我才知有這種刀, 你朋友咁好彩, 真係要找番把刀出嚟用下!
把刀好似好好用喎
回覆刪除最衰我行唔晒個工展會 ,
出面$500幾一把唔係咁捨得買喇
把刀咁細既
回覆刪除[版主回覆01/10/2009 00:21:00]比起我哋平時用的中國刀, 呢把刀都算細把的!
o.... 我行個日 又睇唔到呢把刀呢 可惜~
回覆刪除[版主回覆01/10/2009 00:21:00]唔緊要啦, 好快市面都應該會有得賣!
真係好多人, 攪到我唔敢去
回覆刪除[版主回覆01/10/2009 00:23:00]我都覺得好多人, 所以就算去, 我都會係最早個時間入場,
會少人d, 起碼行完半個場先開始多人!