辣辣薯絲餅

 

之前係

"萬師奶小廚房" 見到佢整一個薯仔豬肉餅, 我今日終於都整咗lu, 仲加咗d蟹柳及豆瓣醬, 辣辣地都唔錯的, 不過就無萬師奶煎得咁靚, 我發覺加咗蛋汁撈勻d豬肉及薯絲之後稀咗d, 攪到煎第一輪時個餅散咗d, 所以我係餘下的材料加入麵粉, 咁煎出嚟個d就似番個餅型 lu。

 

材料: 薯仔 (1個) + 雞蛋 (1隻) + 肉碎 (約$8) + 蟹柳 (3條) + 麵粉 (2湯匙)

豬肉醃料:  油, 豉油, 糖, 豆粉, 水(各少許) + 豆瓣醬 (1茶匙半)

 

 

做法:

1) 將薯仔刨成絲, 用清水浸一會及換水, 直至換到清水轉為清,  瀝乾備用

2) 將肉碎加入醃料拌勻, 備用

3) 將雞蛋+肉碎+薯仔拌勻後, 加入麵粉拌勻, 落鑊煎熟即可上碟。

 

 

小心得:

可點你喜歡食的醬料一同食用。