冰糖蓮子燉花膠

花膠除咗煮餸, 煲湯外, 仲可以做糖水的, 而我多數整花膠糖水就係
花膠燉鮮奶, 今次整呢個糖水, 係我早前睇書睇到, 而且用的材料
都好簡單, 所以試下整, 食呢個糖水好清潤, 無燉鮮奶個種'漏',
好好味的, 而家涼涼哋食呢個暖立立糖水, 真係好warm呢!!

材料: 蓮子 (約1小束) + 已發花膠 (1條) + 冰糖 (適量) + 紅棗 (5粒) + 滾水 (約2碗)

做法:
1) 將蓮子去芯, 用水浸它2小時, 瀝乾備用,
2) 將紅棗清洗及去核, 備用
3) 將已發花膠切件, 備用 (如想重溫 發花膠做法 <<<請按)
4) 將所有材料及滾水一併放入燉盅內, 燉2小時, 即可食用。