[mix 版] 炒菠菜

你哋見到碟菠菜可能話, 碟菠菜有咩特別, 特別就係我唔係用平時所用的調味方法, 我用咗中式炒法 mix 咗韓式的醃菜的調味方法(只用部份材料), 就變咗今日呢道菜, 我覺得食菠菜會令到d牙有d.....(唔識形容), 我唔係咁喜歡, 所以我整親菠菜都會用呢個方法煮!!!

 

材料: 菠菜 (份量按個人而定) + 芝麻 (少許)

調味料: 韓式麻油 (約1茶匙) + 豉油 (適量)

 

做法:

1) 落少油落鑊, 放入菠菜炒至全熟, 關火 (可倒去鑊內水份, 不過今次我無倒, 所以水多咗d)

2) 將豉油, 麻油淋在菜上撈勻, 上碟後在上面再灑上芝麻即可。

 

小貼士:

炒完後, 可倒去炒出來的水份及壓一壓d菜, 才淋上調味料, 味道會濃d, 好味添架。