滑一滑的牛奶布甸

就咁睇張相, 你哋會估佢係咩嚟呢? 不過未講呢兩樽係咩嚟時,

我曾經睇雜誌講台灣有間店舖都係用咁嘅包裝, 但佢個樽身

就唔係貼label 咁簡單, 而係印d圖案上去, 好靚的, 仲可以留番

個樽循環再用, 呢兩樽產品係我去完花展行sogo freshmart 時見

到的, 佢就係"北海道牛奶布甸" 喇, 我見唔係太貴, 咪試下買兩

樽($20/樽)試下, 睇下好唔好味囉, 番到去一試就覺得入口好滑

及好香奶味, 個刻真係同自己講, 點解唔買多幾杯, 因真係好好味!

 

你哋可能會問, 北海道牛奶有咩咁特別呢? 相信飲過香港出的牛

奶朋友, 你哋都會覺得飲完之後(如果無飲水)一段時間個口會有

種酸味, 唔好受的, 而北海道牛奶就算飲完唔飲水都唔會有呢種

感覺, 所以佢貴得有道理!