呢個菜又係我食過覺得好好味的齋菜, 我見又係用的材料好簡單, 而食落口好似整蕃茄炒蛋個汁的味道, 所以我又照樣做一次, 味道似足9成, 好好味, 我而家愛上煮勝瓜會加蕃茄落去煮, 原來都好夾的!
材料: 蕃茄 (2個) + 勝瓜 (半條) + 鮮豆竹 (半包) + 冬菇 (4-6隻) + 水 (適量)
調味料: 茄汁 (約3湯匙) + 豉油 (約2湯匙) + 糖 (1茶匙)
做法:
1) 蕃茄洗淨, 切件去頂位, 備用
2) 冬菇用水浸軟後, 瀝乾切半, 備用
3) 豆竹浸軟後, 沖洗乾淨, 瀝乾水份, 打成結形, 備用
4) 勝瓜去皮後, 用滾筒式切件, 備用
5) 用少許油落鍋, 先略炒勝瓜, 再放入冬菇, 蕃茄略一會後, 注入清水煮至半滾時加入調味料, 最後才放入豆竹, 煮至熟透(約煮20-30分鐘) 即可關火。
為免大家唔知我所講的鮮豆竹個樣係點, 我影低咗比大家睇下!
沒有留言:
張貼留言