2008年7月16日 星期三

[韓國品牌] SCINIC

見自己蜜粉就嚟用晒, 本來打算行街時順便買番 "Palgantong 面具蜜粉" 的, 點知成日都唔記得買, 最後我為有上sasa 網站訂算了, 係sasa 網內比我無意中找到呢隻韓國出的"SCINIC" , 我見d顧客評分呢隻蜜粉又唔係差, 價錢又唔貴, 都係$95.2/30g,  仲抵過我平時用開隻Palgantong, 無理由唔試下嘛!



收到貨, 我第一時間試吓佢, 雖然佢話係完美遮瑕碎粉, 但我此終覺得蜜粉係用嚟定妝多過用嚟遮瑕的, 遮瑕就留番比遮瑕膏會好d, 至於粉質方面, 它比起palgantong 幼滑好多, 好貼, 呢隻蜜粉有少少微香, 都幾好聞的,  美中不足的就係略為白了點(我已經買no.23)



係買蜜粉的同時, 順便睇下呢個牌子仲有咩產品, 呢個牌子有"眼部及唇部卸妝液" 我見都係$42/150g, 平平抵, 用完仲可以留番個揼揼樽tim, 齋買個揼揼樽都要$10啦, 係咪好抵呢!



我發覺上網買嘢仲快過行街買, click 兩click 就order 咗....... 我咁講即係我除咗買蜜粉外, 就買咗d其它物品, 就係呢支Dr.G 的B.B. Cream 喇!  我之前睇書話呢隻牌子好好, 本來都無咁快買佢住的, 見佢$100/20ml  就買嚟試下及可以比較下我手上個d B.B. Cream 嘛 (不過我而家未用, 用咗話比大家知好唔好吓!)



13 則留言:

  1. 好彩化妝品呢樣東西我極少用...........唔係實破產都得喇 !
    [版主回覆07/16/2008 22:13:00]我都覺得唔識化妝好過, 真係煩少好多及慳唔少一但開始化妝, 唔化妝出街總係覺個樣有d唔同咁,  到最後真係唔化妝出街都唔得呀!

    回覆刪除
  2. 快的試下個bb cream 我都想知好唔好用  haha
    [版主回覆07/18/2008 15:02:00]我會快d試用架喇!

    回覆刪除
  3. 我都想試下bb cream啊,不過我見我d同事用咗又好似好油咁,
    唔知啱唔啱我用呢?
    [版主回覆07/18/2008 15:03:00]你同事係咪就咁搽呀! 最好搽完佢都要撲層粉會keep 得耐d。

    回覆刪除
  4. 哈哈你最近先買咗skin food 既 b.b.cr喎,,,,ヌ買...
    [版主回覆07/18/2008 15:03:00]咪就係個價錢吸引囉! 咁就失手喇!

    回覆刪除
  5. 呢隻好似好正bor ! 等我去睇睇先 ~
    [版主回覆07/18/2008 15:04:00]你係指盒碎粉定係邊隻呀???

    回覆刪除
  6. 隻碎粉好似幾好甘喎~~但係上網買, 又無得試色~~真係驚唔岩自己!
    [版主回覆07/18/2008 15:06:00]上網買真係有好有唔好, 就係無得試, 通常選d 多人用的顏色就穩陣d囉!

    回覆刪除
  7. 真係好似幾抵甘窩~
    [版主回覆07/18/2008 15:07:00]你係指盒碎粉定係邊隻呀???

    回覆刪除
  8. 等我上sasa網望下先
    我無化妝習慣,我都會使用卸妝產品來卸防曬
    [版主回覆07/21/2008 20:10:00]其實你講得無錯呀! 唔一定化妝人士先會用缷妝產品, 有搽防晒產品其實都要用缷妝產品的。

    回覆刪除
  9. 我用過二隻韓國做既產品都唔錯架,
    MISSHA
    MOIGGI
    我估韓國女仕一向都好注重皮膚,所以佢地既皮膚清潔用品/用具&代品都唔會差囉....
    [版主回覆07/21/2008 20:15:00]我個人覺得韓國出的產品應該唔會太差的, 所以我先會咁勇去試新嘢!

    回覆刪除
  10. 我唔識化妝,唔化妝淨係用蜜粉得唔得0架?
    [版主回覆07/22/2008 23:07:00]其實都可以的, 由於你無搽粉底, d粉撲上面後唔會好白的, 你會覺得塊面好滑, 好爽。
    如果你有搽開防晒的話, 搽完都可以撲一層係面, 會無咁lup 架!

    回覆刪除
  11. 咁使唔使成日補0架?
    [版主回覆07/23/2008 17:37:00]我自己就無咁做, 我比較懶, 早上搽完就算, 無再補粧!
    如果你係返寫字樓的, 通常會中午及放工補一補粉(即再用碎粉再印一印, 等面部無咁油)

    回覆刪除
  12. 快d試完報告我知丫~~
    我好想知SINIC既Eye Makeup Remover好唔好用~~~
    [版主回覆07/23/2008 17:41:00]呢個幾日前我測試咗啦, 你一定眼大睇唔到喇! 好啦, 比條link你 eye & lip remover , click 入去啦, 下次唔好喇!
     

    回覆刪除
  13. 靚靚
    請問B.B cream係咩來架
    作用係咩
    Thx
    [版主回覆08/14/2008 00:49:00]我覺得同粉底液差唔多, 不過無粉底液咁厚身, 而且功效多, 又防晒, 又遮暇, 搽上面透薄自然, 所以以家好多品牌都叫bb cream 囉, 真係見多人買,所以改名啫, 都唔係個回事件

    回覆刪除

關注我的相關連結: