今日勁熱呀! 行上山上的屋村, 行完都成身濕晒, 無晒胃口
是是但但整一餐食算了, 飯後仲可以食番支冰凍雪條, 真
係爽呀!
材料: 白飯 (約2-3碗) + 蟹柳 (數條) + 雞蛋 (1隻) + 雜豆 (1束)茄汁 (約3-4湯匙) + 豉油 (1湯匙) + 豆瓣醬 (1茶匙) + 洋蔥 (1/4個)
做法:
1) 先打勻雞蛋, 備用
2) 蟹柳切粒, 雜豆洗淨, 備用
3) 先炒香洋蔥後, 倒入雜豆, 蟹柳炒至熟, 盛起備用
4) 用少許油先倒入雞蛋液, 立即再倒入白飯略炒後, 再倒回(3) 一起炒至鬆開後, 加入茄汁, 豉油, 豆瓣醬, 直至炒至乾身即可關火。
呢個飯有D似茶餐廳既西炒飯, 落左茄汁酸酸地幾開胃 !
回覆刪除[版主回覆07/18/2008 15:00:00]睇落都幾似喎! 我鍾意落多d茄汁去炒飯架, 酸咪咪好開胃, 不過好易食多好多飯!
驟眼看我還以為是蕃茄粒炒飯,有豆瓣醬一定很醒胃,
回覆刪除[版主回覆07/18/2008 14:59:00]我未試過加蕃茄炒去炒飯喎! 等我試下先!
辣辣哋真係好醒胃架!
我呢兩晚都忍唔住食左雪糕呀~
回覆刪除[版主回覆07/18/2008 14:57:00]我呢幾晚都食多咗雪條呀!一路食雪條一路睇電視!
係喎 真 係似西炒飯 呢個天氣要加多個西瓜先得
回覆刪除[版主回覆07/18/2008 14:52:00]我買咗啦, 係雪櫃雪緊呀!
是是但但都係煮家飯呢, 飯後一支雪條, 以經係人間極品呢.
回覆刪除[版主回覆07/21/2008 20:23:00]無錯呀!
D色好好牙
回覆刪除[版主回覆07/21/2008 20:24:00]唔好睇佢好似咁少餸呀! 食落好好味架!