老實講, 唔係網友 Yan 介紹, 我跟本無諗過會買呢隻牌子"ease for east"的卸妝產品用, 我仲專登走去mannings 度睇睇, 唔係特登搵真的好難搵, 點解唔多覺佢的存在, 原因佢擺係貨架的最最下面, 唔踎低都見佢唔到, 唔怪之得無咩人留意到啦。
卸妝產品佢有兩款, 一款係gel, 另一款係oil, 睇完佢2款卸妝產品後, 最後我買咗支Clean Me Up - Easy Wipe-Off 2 in 1 Cleaning Oil, 唔係gel 唔好, 而係我個人用慣咗cleaning oil啫, 試用上面後真的落得好乾淨, 好清爽, 仲有陣陣的薰衣草味, 用$29.9 呢個價錢就可以落得咁乾淨, 最緊要係落完唔會油lup lup, 好掂!!!
我做咗個測試, 分別用咗防水masacar, 防水眼線膏, 唇膏, 閃粉, 眼影, 眉筆, 水狀胭脂等質料畫在手背上, 再用cleaning oil 打圈按摩咗20-30秒, 已經全部溶得7788了, 只有隻水狀胭脂仲有d淡紅色。
(測試前)
(測試後)
其實呢個測試結果, 我對呢支cleaning oil 都好滿意的, 你問我同過咁多cleaning oil 邊隻好, 我覺得呢隻平靚正, 原因:
1) 價錢便宜
2) 落妝算乾淨(只有benefit - bene tint 最難落, 其它防水產品都好易落咗)
3) 落妝後面部好清爽, 一d都唔乾(我係混合皮膚)
# 最後值得一提的是, 呢個牌子的價錢可以最高賣$89, 最低賣$29.9, 做得精明消費者, 你緊識揀係咩價錢才入貨喇。
update: 最初用ease for east 真係好好用, 但唔知點解, 08年尾買個2支 cleaning oil 稀得不得了, 好油, 好難落, 發覺它好唔穩定, 不建議再用!
嘩~ 真係好好好好平窩
回覆刪除[版主回覆07/03/2008 20:00:00]呢支唔算最平, 如果你鍾意用啫喱嚟卸妝的話, 它都係$19.9 , 而且仲防敏感的! 不過我用慣OIL 所以無買到。
咁抵用, 拿拿聲去入貨先, thanks^^
回覆刪除[版主回覆07/03/2008 20:02:00]比我剛剛發現, 原來惠康都有得賣的, 都係做緊特價!
benefit - bene tint 最難落 同意
回覆刪除[版主回覆07/05/2008 21:33:00]係啦! 每次搽完隻手都紅晒, 都唔知洗咗多少次先洗得甩, 所以而家都好少用!
我都用過呢枝卸妝,的確幾抵用~~不過我成日轉新野,所以無繼買黎用lu~~
回覆刪除[版主回覆07/05/2008 21:35:00]呢支嘢平平哋真係幾好用的! 我會夏天時用, 爽d嘛!
佢的野真係好平 我見到時都覺得想試 但成日都怕平野無好質素
回覆刪除[版主回覆07/05/2008 21:38:00]呢個牌子的卸妝產品, 連名化妝師rick chin 都推介架, 應該唔會太差的!
我買過佢d其他野~但覺得唔多好用~ 但落妝油我都想試下丫~ 但我想問::可唔可以apply係隻眼~? 因為有d落妝油對隻眼好刺激~~我而家用緊果隻都好平~同埋用係隻眼係一d"拿"既感覺都冇~但就黎用哂la~~~我見你介紹~又心思思想試下~
回覆刪除[版主回覆07/05/2008 21:52:00]我無記錯的話, 呢個牌子最早有係面膜, 而敷出來效果就一般, 基於價錢平, 所以無乜人話佢太差囉! 我都無用佢d 面部產品好耐, 直至網友yan 話好用, 我才再次買嚟用!
我自己都係沖涼時一併做落妝程序的, 我都係連眼, 咀一齊落的, 我對眼都無'那' 感覺喎, 其實都要你用過先知啱唔啱你, 如果你係好易敏感的, 建議你用ph5.5 落妝gel, 個隻仲平, 特價 $19.9!
不過我昨日睇過, 萬寧做番原價$89.9, 你想買平, 就快d去惠康望下, 好似仲做緊特價!
真係好正咁喎 咁我都要買支黎試下先!!! 我自己用開SHU UMERA架..好貴呀 >.< 呢支咁抵我又點可以唔試下 HAHHAHHA
回覆刪除[版主回覆07/08/2008 11:20:00]我已前都係用SHU UEMURA 真係太貴喇!
所以不斷去試其它牌子, 睇下邊隻好用,
直至試到呢隻, 唔錯, 而且又平!
嘩, 多謝你介紹, 真係平靚正. 我現在用緊 Cosme Decorte Cleansing Oil & Bioderma Make-up remover, 都幾好用, 不過貴好多.
回覆刪除[版主回覆08/16/2008 14:50:00]你講個兩隻我都有用, 就係覺得貴, 所以不斷試新嘢, 直至發現呢個產品, 唔錯呀!
hi:
回覆刪除這支卸妝油這兩天萬寧賣$25,如果你要入貨就快了.
[版主回覆10/05/2008 17:13:00]等我都去睇下先, 唔該晒你話我知呀!