東方紅出咗隻糖

 

其實呢幾包糖係我早前買的, 係我行街時見到, 你哋估下幾錢一包,

我諗你哋估唔到的, 因為平到你唔信, 我開頭都唔係好信,

無理由東方紅產品會咁平嘛, 我以為自己睇錯銀碼,

係無睇錯的, 而且仲係行貨, 開估啦......係$10/4包

係咪平到你唔信呢! 我買都係因為佢寫係"紅棗山楂軟糖"

仲話安頓思緒, 深化睡眠, 滋潤肌體, 解渴生津, 令人精神抖擻, 皮膚均勻潤澤

咁多好處, 無理由唔試下嘛,  食第一粒時, 可能我一心諗住有紅棗,

應該有紅棗味, 但反而味道就有d似利口樂咁,

味道都ok 的, 食完個喉嚨會涼涼哋(好輕微),

行開街見到可以買嚟試下呀!