我知菠菜好有益的, 但耐荷食親菠菜都會令到我d唔想食佢個種感覺,
自上次整完菠菜雞卷後, 都唔知有咩新口味去整個菠菜, 終於比我睇
cook book 時見到個湯, 係用菠菜煲的, 整起上嚟好方便, 而且仲無食
菠菜好種難以形容的感覺!!
[2-3人份量]
材料: 菠菜 (250g) + 木耳絲 (5g) + 雞蛋 (1隻) + 水 (600ml)
調味料: 美極醬油 (1/2茶匙) + 糖 (1/3茶匙)
芡汁: 粟粉 (2-3茶匙) + 水 (2湯匙)
做法:
1) 菠菜洗淨, 切成茸/粒, 備用
2) 木耳絲用水浸軟, 瀝乾備用
3) 將雞蛋打勻, 備用
4) 煲滾水, 加入菠菜茸/粒及木耳絲略煮, 洋入芡汁煮至滾起, 關火, 拌入雞蛋液
5) 加入調味料即完成!
我終意食菠菜又種意食木耳...呢個湯o岩晒我呀~
回覆刪除[版主回覆08/22/2008 00:32:00]呢個好簡單, 好好味!
菠菜好有益架 ! 妳點解唔鍾意食 ?
回覆刪除[版主回覆08/22/2008 00:36:00]我唔係唔鍾意食, 係我家大少唔多鍾意食至真,
我每次整菠菜都要唔同款式,
無求令到食咗會無咗係口腔唔舒服的感覺,
佢至會食菠菜!
蒜蓉炒菠菜都好食茄, 我反而唔食通菜, 覺得好怪呢.
回覆刪除[版主回覆08/22/2008 00:38:00]就咁蒜蓉炒菠菜我家大少唔食架, 要混合其它嘢,
等佢食時唔會有係口腔唔舒服的感覺!