平時食粟米魚柳飯就食得多, 今日嚟個高級碟頭飯, 就係加咗花膠落去煮,
即時變咗高級碟頭飯呀!
材料: 粟米湯 (1罐) + 龍利柳 (2條) + 已發好花膠 (約1-2條) + 西蘭花 (適量) + 麵粉 (適量) + 乾蔥 (1-2粒) + 水 (約100ml) + 雞蛋 (1隻)
醃料: 胡椒粉 + 鹽 (各少許)
做法:
1) 先將龍利柳解凍後, 用醃料醃約半小時
2) 西蘭花用水勺熟, 作伴碟用
3) 用廚房紙花龍利柳印乾, 再撲上麵粉,
4) 用少許油, 將龍利柳煎熟及金黃色, 盛起備用
5) 將乾蔥切碎, 用少許油將它炒香後, 加入花膠, 雜豆略炒, 再加入粟米湯, 水煮滾, 再淋上已打勻的雞蛋汁, 形成蛋花, 即可關火, 淋在白飯上。
p.s. 由於粟米湯我加好少水, 而且有雞蛋會令到d汁杰番d, 所以我無加到豆粉打獻!
想知花膠點發, 可指向花膠click 入去即可睇番!
嘩~~~好正咁喎!!!!!
回覆刪除[版主回覆09/05/2008 10:18:00]有咁名貴的花膠, 當然正啦!
靚靚, 加左花膠真係矜貴晒呀.
回覆刪除[版主回覆09/05/2008 10:18:00]咁碟碟頭飯, 就即時成本貴咗!
WA.......由三四十蚊既飯 變左百二三蚊個飯呀 一流呀~
回覆刪除[版主回覆09/05/2008 10:22:00]花膠配粟米原來都好好味的! 煲嘢即時變貴咗!
嘩,有花膠,好豪華!
回覆刪除[版主回覆09/05/2008 10:23:00]發咗d花膠要清咁d嘛, 所以咪豪d 囉!
花膠~~~好貴呀!
回覆刪除[版主回覆09/05/2008 10:23:00]我呢d花膠唔係最貴個種, 中價貨啫!
嘩! 流晒口水添, 媽媽快d煮啦
回覆刪除[版主回覆09/06/2008 09:51:00]咁你仲唔快d 叫你媽媽動手煮比你食!!
粟米魚柳飯本來好普通, 但係一加左花膠落去即時升價十倍 !
回覆刪除[版主回覆09/06/2008 09:52:00]我都覺一碟普普通通的碟頭飯, 加個d名貴菜落去, 個價值即時唔同晒!