我都好耐無post 菜式lu , 早前睇電視, 肥媽教咗個好健康的菜式,
咁啱我又有食開呢隻麥皮, 就決定試下整, 不過調味方面我改咗少少嘢,
我開頭都擔心會唔會唔好食, 煎好之後, 食落發覺唔錯,
而且食2-3片已經飽飽哋, 呢個唔錯呀, 可以當減肥餐用呀!
材料: 即食桂格麥皮 (1碗) + 雞蛋 (1隻) + 麵粉 (半碗) + 蔥 (看個人喜歡就落幾多) + 水 (適量)
調味料: 雞粉 (半茶匙) + 魚露 (1-2茶匙) + 麻油 (少許) + 胡椒粉 (少許)
做法:
1) 先將麥皮 + 麵粉混合後加入雞蛋攪勻,
2) 再注入清水(慢慢加, 看湖的稀杰度)
3) 再加入調味料及蔥 (切粒) 入麥皮糊中, 攪勻後,
4) 用少許油, 放入適量麥皮糊, 煎至熟即可上碟。
網誌管理員已經移除這則留言。
回覆刪除