香茅雞翼

我呢排番學比較忙, 所以少咗煮d特別菜式,

多數都係好清淡/ 簡單的餸菜就算,

而今日呢道菜叫"香茅雞翼",

個樣係咪同我之前整d雞翼好似樣呢, 只係味道唔同囉。

 

 

材料: 雞翼 (解凍及在骨與骨中間剪開)

醃料: 新鮮香茅 (略拍數下) + 豉油 + 糖 + 胡椒粉 (各少許)

 

做法:

1) 先將雞翼加入醃料, 醃最少約1小時 (可醃好放雪櫃, 煮才拿出來)

2) 開火(不用落油, 因雞皮會出油), 放入雞翼(醃汁不要倒下)

3) 用中火煎好, 再煎另一面,  (怕火力大會燶, 可改為細火)

4) 煮至無血水出, 倒小許紹酒 (會香d, 可以不落)

5) 再炒多一會, 即可上碟。