我都好耐無炒年糕了, 今日行超市見到有我買開果個牌子年糕,
就決定買咗佢今晚炒年糕, 其實用咩材料炒都無所謂的,
最緊要係自己鍾意食個d咪得囉! 你哋話係唔係。
材料: 水磨年糕 (1包) + 娃娃菜 (1棵) + 蟹柳 (5條) + 雜豆 (1束) + 豬肉丸 (5粒) + 洋蔥 (1/4 個)
汁料: 蠔油 (2-3湯匙) + 紹酒 (1茶匙) + 水 (約50ml)
做法:
1) 將娃娃菜洗淨後, 切絲, 備用
2) 蟹柳切粒, 豬肉丸切片, 洋蔥切絲, 全部材料備用,
3) 雜豆用水沖洗, 瀝乾備用,
4) 先將洋蔥落鑊炒香後, 放入蟹柳, 雜豆, 豬肉丸炒至熟, 盛起備用,
5) 再落少許油將娃娃菜炒熟, 盛起備用 (因為菜會出水, 所以同4分開炒)
6) 用紙抺乾個鑊, 再落少許油, 放入年糕略炒後, 注入汁料, 煮至年糕淋身,
7) 期間不段炒, 炒至乾身後, 倒入 之前炒好備用的材料一併再炒一會, 即可。
: 用咩材料其實好隨便的, 你鍾意食乜都可以落入去炒, 所以我每次炒年糕都唔同材料的, 要睇下個雪櫃有咩就放落去炒。
網誌管理員已經移除這則留言。
回覆刪除