昨日終於坐車去咗九龍站上蓋~Elements 圓方一遊了, 我未嚟之前都已經聽好多人話, 呢度多數都名店, 得個行字。
一嚟到呢個場我覺得環境唔錯, 仲想得都幾週到, 厠所門外,除放櫈給等人的人坐之外, 仲有雜誌比你睇及水比你飲, 真係唔錯。
而我嚟呢度個目的有兩個, 1-係我未嚟過呢個新場, 2-係我想去the grand cinema 睇3d (由於買唔到3d票, 最後只買了普通票)。
間戲院d音響真係唔錯, 連坐係度你都feel 到d震撼, 坐位都好濶落, 有人行過都唔使避開都可以行到, 有點失望的係我買唔到睇3d 票, 好想比較下同mega 影院邊間會好d。
講到食, 我哋去了"夏麵館" 食麵, 不過呢間嘢d嘢食真係麻麻哋, 最唔好就係淨識得幫我哋收碟, 水飲完見到都唔加番, 我唔會再去呢間嘢食的, 就早知去對面"千襾"好過。
網誌管理員已經移除這則留言。
回覆刪除