日式年糕雙蔬肉片煲

今日真係好凍呀! 唸都唔使唸更係整煲仔菜啦! 

今次我買咗日本年糕放落去, 我覺得個樣好靚, 夠晒特別。

 

材料: 椰菜花 + 西蘭花(各半1棵- 切段) + 日式年糕(4件) + 瘦肉 (約$8- 切絲)

湯料: 雞汁 (1湯匙) + 日式麵豉醬 (1湯匙)

醃肉: 用豉油, 油, 糖, 麻油各適量, 將瘦肉醃約半小時

 

做法:

1) 先煲滾水後, 將兩色花菜汆水, 盛起備用

2) 注入少許水及湯料入砂碢, 水滾後放入瘦肉煮滾

3) 再放入年糕及兩色花菜再煮至花菜熟, 即可關火。