奶油津白

食奶油津白就食得多, 但就未試過整, 究竟係用咩煮會有白白哋嘅汁, 其實我唔知,我有想過係用cream,  但屋企無, 膽粗粗用花奶整, 煮出嚟都好似出面食的味道, 都唔錯的。

 

材料: 蝦米 (1束) + 娃娃菜 (2-3棵) + 花奶 (約50ml) + 魚露 (約1茶匙)

 

做法:

1) 將娃娃菜洗淨後, 切件, 備用

2) 將蝦米浸軟後, 瀝乾, 備用

3) 落少許油, 先炒香蝦米後, 放娃娃菜落鑊炒, 落好少好少雞粉及魚露後, 倒入花奶, 煮至熟, 即可上碟。