日式麵豉蒸粉絲杞子三文魚骨

 

我此終覺得三文魚配日式麵豉係好夾的, 今次我就用咗三文魚骨嚟整咗呢味"日式麵豉蒸粉絲杞子三文魚骨" 貪佢食多少少無咁膩嘛, 三文魚肉都係用嚟做魚生好d, 仲加d粉絲係底, 索晒d汁, 真係好野味的!

 

 

材料: 三文魚骨 (1包) + 日式麵豉 (1湯匙) + 白酒 (2湯匙) + 胡椒粉 (少許) + 糖 (少許) + 粉絲 (1束) + 杞子 (數粒)

 

做法:

1) 將杞子, 粉絲分喇浸軟, 瀝乾備用

2) 將三文魚骨洗乾, 瀝乾後將其餘材料撈勻放雪櫃醃1小時

3) 將粉絲墊碟底, 再放上三文魚骨及杞子, 水滾後, 放入鑊蒸15分鐘即可。