(豬潤麵)
前日放工時間同大少走咗去深水土步買嘢, 順便想試好耐, 而次次都試唔到
的鋪頭, 因佢門口次次都好多人係到等, 就因為人多而食唔到嘅豬潤麵,
相信一講就知我講邊間, 佢就係"維記咖啡粉麵"。
今次去到門口竟然唔使等呀! 終於可以完成我個心願呀! 靜靜話你哋知
我係唔食豬潤架, 但我今次去就係食佢碗豬潤麵, 係咪好好笑
呀!我家大少都問咗我好多次, 你真係叫豬潤麵食, 我話係, 我食第一口
豬潤時真係唔好關個種味, 但就覺得佢好爽口, 食多幾片之後就慢慢覺得OK,
D 豬潤好多的, 食完都己經飽了! 我家大少就叫咗碗豬潤牛肉麵,
不過佢都話豬潤好食過牛肉, 但D麵就差D喇! 太淋喇, 而且D湯都幾咸下,
不過食過之後, 覺得唔係想像中值得去等位食個種,
唔使等都可以考慮食的, 要等就唔會食佢LU。
我的評分係: 味道 3 環境 3 服務 3 衛生 2 抵食 3
我都唔食豬潤架...但又好鐘意飲豬潤水~哈~
回覆刪除呢個豬潤麵好似幾吸引
[版主回覆08/17/2008 13:59:00]我同你一樣, 淨係會飲豬潤水咋!
連我唔食豬潤都咁勇去試下, 你都可以試下!
我都成日去維記食豬潤麵架 ! 我次次都係食豬潤餐肉米,
回覆刪除佢地D餐肉超厚架 ! 好抵食 !
[版主回覆08/17/2008 14:01:00]我原本想食雙併(豬潤+餐肉) 但見唔到menu 有寫, 到我食完見到有人叫嚟食, 有機會又唔使等位至再食過lu
我對豬潤完全冇興趣 , 除非亞媽煲湯被迫要飲之外 , 我係絕對唔會同豬肉有任何接觸ga hahaha 你好"近"ar!!
回覆刪除[版主回覆08/17/2008 14:04:00]豬潤我唔食, 但就會飲豬潤水, 我都覺我今次好"近" 呀!
叫咗碗豬潤麵嚟食, 佢d豬潤唔同係街/亞媽整開咁厚身
及粉口的, 好爽架!
我約一年前都有試過,因為聽聞好正,
回覆刪除當年禾去到都唔使等位,
本身我很愛食豬潤及牛肉架,所以很想去食呢,
不過你的食後感同我一樣...你講得無錯!
[版主回覆08/17/2008 14:08:00]我都係聽人講話佢d豬潤麵出名我至想試下的!
我去都好彩唔使點等位, 都叫一賞心願啦!
不過下次要我等我就唔食lu, 唔係咁值得我企係度等位!
D豬潤麵真係超正0架!!奶茶都好好飲~~仲有咖央多都唔錯0架~~~
回覆刪除[版主回覆08/18/2008 20:51:00]豬潤真係唔錯的, 奶茶我反而覺得一般, 下次唔使等位先試下你講的咖央啦!
我都食過呀~ d 湯真係好甜!
回覆刪除[版主回覆08/18/2008 20:53:00]你一定食得好咸頂喇! 咁咸都話甜!
我都唔係好食豬潤架...不過我又好鐘意食用豬潤煲既粥窩
回覆刪除[版主回覆08/20/2008 23:25:00]乜用豬潤煲出嚟的粥唔同d咩?