係咪睇見呢碗嘢似D水彩多過似碗湯呢, 我都覺得係, 初初煲好時D顏色無咁心的,
但我煲完唔係即刻飲, 過咗一段時間, 煲湯就變得更紫色喇! 我見到我唔係怕,
我怕係我家大少見到唔肯飲, 我咪要一個飲晒D湯, 唔好睇佢咁紫, 其實D味同
我哋平時煲的瘦肉湯差唔多, 而且呢隻湯話紫貝天葵葉好有營養的, 又清熱,
我都睇完佢咁寫, 煲係上嚟又幾簡單我至買嚟試下的!
唔知又哋又咁唔咁試呢!
[2-3人份量)
材料: 新鮮紫貝天葵葉 (半包) + 瘦肉 (少許) + 薑片 (2-3片) + 胡椒粉 (少許) + 水 (600ML)
做法:
1) 先將紫貝葉洗淨, 瀝乾備用
2) 將瘦片洗淨後切片, 備用
3) 水煲滾後, 放入薑片略滾, 再放入瘦肉及紫貝葉, 滾約5-10分鐘即可關火, 再加入胡椒粉即可飲用。
咁都好快煲起wor!
回覆刪除[版主回覆08/19/2008 12:45:00]真係幾快煲起架! 而且好有益添!
好紫呀 飲完個咀會唔會變色? 哈哈
回覆刪除[版主回覆08/19/2008 12:46:00]更係唔會啦! 無睇佢紫色呀, 都幾好飲架!
呢排紫貝天葵係似好大熱喎.
回覆刪除[版主回覆08/19/2008 21:09:00]我想可能同天氣有關!
哈哈真係好紫呀,,去疴"殊殊"時會唔會深色咗
回覆刪除[版主回覆08/19/2008 21:11:00]咁你都諗到, 更係無啦!
真係好紫呀~
回覆刪除[版主回覆08/20/2008 23:26:00]係咪似畫完畫用嚟洗水彩d水呢?
我未試過用紫貝天葵煲湯, 通常我用黎就咁煲水飲,
回覆刪除雪凍左佢D味同利賓立無咩分別, 靚仔好鍾意飲架 !
[版主回覆08/20/2008 23:28:00]呢個唔係乾的紫貝天葵, 係新鮮, 所以用嚟煲湯用!
乾的紫貝天葵我以前都會煲嚟飲, 不過而家改咗煲洛神花啫!
新鮮的係咪都係酸既呢? 係邊樹有得買架
回覆刪除[版主回覆08/22/2008 00:39:00]新鮮唔酸的, 好似煲菜肉湯咁! 我係jusco 買的!