上次整咗個豆腐雞蓉煎餅 , 今日就再用豆腐整另一味, 就係用鯪魚肉喇!
原來豆腐+鯪魚肉煎好之後, 食落口的口感係好彈口的, 好好味!
材料: 鯪魚肉 (約$7) + 山水豆腐 (1盒) + 菜圃 (4條)
調味料: 腐乳(半磚) + 胡椒粉(少許) + 麻油(少許) + 水(3湯匙) + 豆粉(1湯匙) + 雞粉 (少許)
做法:
1) 將菜圃浸水約30分鐘後, 切幼粒
2) 將鯪魚肉, 豆腐, 菜圃及調味料拌勻去起膠 (順時針拌)
3) 落油, 將豆腐魚肉整成球狀, 放鑊煎香, 即可上碟。
小心得:
按個人喜好, 魚餅可點豉油/醬料食用, 或整個汁, 淋在魚肉餅上食用都可以。
食譜改編自: 維他山水豆腐
好似好易整咁喎, 我又試下先
回覆刪除[版主回覆10/19/2007 23:29:00]真係好易整, 真係要試下。
我地通常都係剩煎魚餅, 下次都試吓加埋豆腐先.
回覆刪除[版主回覆10/19/2007 23:31:00]我未整呢個餸之前都好似你咁, 多數都煎魚餅, 我發覺豆腐+魚肉仲好味, 而且好健康呢!
可以唔用腐乳做調味嗎?
回覆刪除[版主回覆10/19/2007 23:32:00]可以唔用腐乳調味的, 按個人喜好調味都無問題。
正~~好香口呀~~我最鍾意架la~~!
回覆刪除[版主回覆10/19/2007 23:32:00]香口都唔算得上, 可能有豆腐關係, 感覺無咁熱氣。
好正啊 !! 我好中意食豆腐嫁 ~~
回覆刪除[版主回覆10/19/2007 23:33:00]記然鍾意食豆腐, 咁就要試下整嚟食喇!
這味餸啱我,平時我多數剩煎魚餅或魚肉煎蛋,
回覆刪除今次我都要試下豆腐魚肉餅先.
[版主回覆10/19/2007 23:35:00]歡迎你嚟坐呀! 我未整呢個餸之前都多數煎魚餅的, 今次你記得試下整, 一定有新鮮感。
好似好好味又好易煮bor! 等我又試下先!
回覆刪除[版主回覆10/20/2007 23:14:00]真係好易整的, 真的不防一試。