洛神花果凍

 

都好耐無整甜品喇! 今日攪攪新意思, 就係整個洛神花果凍喇!

直係一個飯後甜品呀, 又易整, 又清熱, 個排熱氣, 夜瞓人士最好就係

煲洛神花茶飲1-2日,  你會好快覺得個人舒服咗及喉嚨無咁乾的!

 

 

材料: 乾洛神花 (10朵) + 冰糖 (按個人口味而落多少) + 水 (500ml) + 魚膠片 (2片) + 山粉圓 (1茶匙)

 

做法:

1) 先將魚膠片用飲用水浸軟(勿用熱/暖水浸) , 瀝乾水份, 備用

2) 將山粉圓用約150ml滾水焗約1分鐘, 用隔隔走水份, 備用

3) 先將乾洛神花沖洗2-3次, (唔係浸喎, 係沖洗喎, 其間會見到d水係紅紅哋, 不用理會)

4) 將水煲滾後, 才放入洛神花煲約3-5分鐘, 放下冰糖及以軟身魚膠片, 攪勻片刻即可關火, 再將之前整好的山粉溳放入 

5) 待涼後, 可放入雪櫃雪凍即可食用。